loading
دەربارەی شوان عەتوف
_

شوان عەتوف، لە ١٨/٧/١٩٧٢ لە گەرەكى شێخ محي الدین لە شارى سلێمانى لەدایك بوە. دەرچووى ئامادەیی پیشەسازى بەشى كارەبا یە. هەموو قۆناغەكانى خوێندنى لە شارى سلێمانى تەواو كردوە. لەبنەماڵەیەكى هەورامى سەر بە گوندى تەوێڵەیە.
هەر لە منداڵییەوە خولیاى نوسین و گۆرانى و نواندنى هەبوە. لە قۆناغەكانى خوێندن دا بەشدارى چالاكیە هونەریەكانى كردوە. ساڵى ١٩٨٨ یەكەمین بەشدارى دەكات لە شانۆگەرى (سەفەرێكى سەخت) ى نوسەرى روسى (تولستوی) و لەگەڵ تیپى شانۆى تابلۆش لە شانۆگەرى (وەرزى نوێ‌) بەشدار دەبێت ودواتریش دەیكەنە كارى تەلەفزیۆنى.
شوان عەتوف یەكێكە لەدامەزرێنەرانى تیپى شانۆى حەوتى ئازار كە گروپێكى شانۆیی چالاكى دواى راپەرین بوو. هەر لەو گروپە شانۆگەریەكانى (مارا ساد، رابونەوە، شێخ دێت و دەڵێ‌، كەرنەڤاڵى كەلاوەكان، كەرنەڤاڵى هەڵەبجە) پێشكەش دەكات.
ساڵى ١٩٩٢ یەكێك دەبێت لە دامەزرێنەرانى یەكەمین لابورى شانۆیی پراكتیكى كە كۆمەڵێك لاوى شانۆكارى ئەو سەردەمە ئەنجامیان دا دەربارەى ئەزموونى كروتوفسكى.
پاشان بەشدارى شانۆگەرى (دوا یارى) دەكات كە وەك سەرەتایەك هەژمار دەكرێت بۆ كارى گروپ بۆ دروست كردنى دەق لەناو ئەزموون و رۆژانى پرۆڤە.
ساڵى ١٩٩٦ بەشدار دەبێت لە وۆركشۆپى دەرهێنەرى فەرەنسى (جان فرانسوا) دەربارەى ئەزموونى بیتر بروك. لەگەڵ سەنتەرى تى دى سى هەمان كات ئەندامى كۆنفرانسى یەكەمى شانۆكارانى كوردستان و دیدارى دووەمى شانۆ دەبێت و بابەتى (بوون لەسەر شانۆ) پێشكەش دەكات.
لە ناوەراستى ساڵى ١٩٩٧ تا ئێستا ئەم كارو بەرهەمانەى ئەنجام داوەو پێشكەش كردوە (شانۆگەرى، مناڵانى پرۆمسیۆس، رۆژە جوانەكان، ئەفسوس، وێەى هونەرمەند دواى تافى لاوى، پێكەوە لەبەهەشتا عەسرێ‌، ئەو دەمەى دونیا بێتامە حەیرانێ‌، ماریۆنێت تورە دەبێت، تەپڵ و بەرد) هەروەها بەشدارى ئەم فلم و درامایانى كردوە (وەرزى نوێ‌، گەردەلوول، راپەرین، بۆنى سێو، خوێنى هەنار، شوێنێك بۆ یارى، دالیا، سوپاستان ئەكەم، گەران بەدواى شوناسدا، كاتێك بابا نوئێل گریا، شیرین، هێلانە سوتاوەكان، عاشقان بە پێوە دەمرن، چیرۆكى ئەوین دارى، گێژاو، زامى كامێرا، ماڵ و كلیك، باخەكەى باوكم، دەلاك و دونیا، فرمێسك و دڵ، پەیكەرى دڵ)
شوان عەتوف زیاد لە سەد جار بەشدارى فێستیڤاڵە ناوخۆیی و نێو دەوڵەتیەكانی کردووە بە فلیمەكانى.
خاوەنى ٢٠ خەڵاتى ناوخۆیی نێودەوڵەتییە گرنگ ترینیان خەڵاتى باشترین ئەكتەرى عێراق بۆ ساڵى ٢٠١١، باشترین ئەكتەرى شانۆ ١٩٩٤-١٩٩٨-٢٠١٤
خەڵاتى باشترین فلیم بۆ فلیمى ماڵ و كلیل
فێستیڤاڵى جیرۆناى نێو دەوڵەتی.
فیاتە كۆرتى فینیس
ئەركەناتیفا چیلى
سینەما ئارت میلانۆ
شوان عەتوف یەكێە لە دامەزرێنەرانى هەریەكە لە (تیپى شانۆى حەوتى ئازار، كۆرى شانۆى با، كۆمەڵەى سینەماكارانى كوردستان، یاساى بوارى فلمسازى لە كوردستان و خاوەنى چەندین ووتار و كۆرو سیمینارە و لەچەندین فیستیفاڵى شانۆیی و سینەمایی ناوخۆیی و نێو دەوڵەتیدا وەك دادوەر بەشدار بووە.

  • باشترین ئەكتەرى عێراق بۆ ساڵى ٢٠١١
  • باشترین ئەكتەرى شانۆ ١٩٩٤-١٩٩٨-٢٠١٤
  • باشترین فلیم بۆ فلیمى ماڵ و كلیل
  • فێستیڤاڵى جیرۆناى نێو دەوڵەتی
  • فیاتە كۆرتى فینیس
  • ئەركەناتیفا چیلى
  • سینەما ئارت میلانۆ